ڕۆژی سێشەممە ٢٣ی بەفرانبار، تیمێکی پێکهاتوو لە ئەندامانی لێژنەی پیشەسازی و کانزای کۆلێژی پیشەسازی و کانزای قوروە، ناوەندی داهێنان و پەرەپێدانی تەکنەلۆژیا و نووسینگەی پەیوەندی نێوان پیشەسازی و کۆمەڵگەی زانکۆی کوردستان، سەردانی پیشەسازییە چالاکەکانی شارستانی قوروەیان کرد کە بریتی بوون لە: کۆمپانیای پیشەسازیی جەکی گازی گەردوون، پاڵاوگەی ڕۆنی شارۆچکەی پیشەسازیی ئاوەنگان و کارگەی بەرهەمهێنانی بۆرییەکانی پۆلی ئەسیلینی زاگرۆس پلاست غەرب.
لە میانی ئەم سەردانانەدا، ڕێکارەکانی کارکردن و ئەو ئاستەنگانەی ڕووبەڕووی ئەم یەکە بەرهەمهێنەرانە دەبنەوە خرایە ڕوو. مامۆستایان و چالاکانی بواری پیشەسازییش سەرنج و ڕێچارەکانی خۆیان پێشکەش کرد و بە پێشوازیی کۆمپانیاکان بڕیار درا دانیشتنەکانی داهاتوو لە نووسینگەی پەیوەندی نێوان کۆمەڵگە و پیشەسازی زانکۆی کوردستان بەڕێوە بچن. هەروەها بڕیارە ڕێگاکانی واژۆکردنی گرێبەستی توێژینەوە و لێکتێگەیشتننامە لەگەڵ زانکۆی کوردستان و پارکی زانست و تەکنەلۆژیای پارێزگای کوردستان بۆ چارەسەرکردنی کێشەکانی ئەم یەکە بەرهەمهێنەرانە تاوتوێ بکرێن.